Trackman
Trackman hefur umbreytt upplifun kylfinga af æfingasvæði Bása og hefur kerfið fært golfiðkun og æfingar upp á annað stig. Eftirspurn hefur aukist og er orðið gríðarlega vinsælt hjá kylfingum að mæta í Bása hvort sem er það er til að mæta og æfa sig, spila þá velli sem í boði eru eða spila leiki.
TrackMan Range er byltingakennd radar mælingartækni sem veitir lykilupplýsingar fyrir hvert slegið högg. Þegar högg hefur verið slegið eru radarar úti á æfingasvæðinu sem mæla flug boltans á sjálfvirkan hátt. Nákvæm lengd bolta á flugi, hraði og ferill boltans birtist í rauntíma á skjánum, á bæði einfaldan og skýran hátt. Einnig hægt að spila ýmsa leiki sem gera æfinguna að skemmtilegum leik fyrir kylfinga á öllum getustigum. Þetta er frábær tækni sem gaman er að nýta við leik og þjálfun í golfíþróttinni.
Radar mæling boltaflugs byggir á sömu tækni og notuð er í TrackMan Radar tækjum atvinnumanna og golfherma.
Allir sem mæta í Bása geta notað Trackman til að æfa!
Sæktu appið núna
Svona byrjar þú
1. Til þess að tengjast kerfinu þurfa kylfingar að vera staðsettir í Básum en til að flýta fyrir notkun í fyrsta sinn er hægt að ná í TrackMan Range appið – hægt er að nálgast appið bæði í App Store og Play Store í símanum.
2. Þegar mætt er í Bása tengið símann við TrackMan Wi-Fi og sláið inn lykilorð sem uppgefið er á staðnum.
3. Opnið app og fylgið leiðbeiningum á skjá.
Algengar spurningar
Hvað er TrackMan Range?
Það er frítt app sem gerir þér kleift að æfa golf með markvissum hætti. Að auki getur þú fylgst með framförum þínum yfir lengra tímabil – allt í gegnum símann.
Hvernig virkar appið?
TrackMan Range veitir lykilupplýsingar fyrir hvert slegið högg. Nákvæm lengd á bolta á flugi, hraði og ferill boltans er sýndur í rauntíma á spjaldtölvu eða snjallsíma kylfings á einfaldan og skýran hátt.
Geymir appið upplýsingar um höggin mín?
Já, en fyrst þarftu að skrá þig inn. TrackMan Range byggir sjálfkrafa upp stöðu þína, heldur utan um árangur og gefur þér skýrslu eftir hverja æfingu.
